投票，投票，毛蟲都去投票

除左草姑妹妹（應該未登記做選民），登記左嘅你都應該阻你幾分鐘時間去梗有一間喺左近嘅票站投票。
你覺得個個都揀唔落所以唔去投？選舉就係兩害取其輕，冇得揀你先驚！
你覺得投咗都唔會有咩改變？唔投就連改變嘅機會都冇喎！
你覺得呢排政府都冇乜大錯，所以唔使投？呢度唔係荷媽屋企，集集有咬嗌，但係有事你先怨當日冇參予過，畀政府行政壟斷晒冇聲出時就咪學紅姨掉電話呀！
你覺得呢個係小圈子選舉所以唔想投？冇人投就會真真正正變成小圈子活動，多啲人參予先可以擴闊小圈子！
你驚投完票有神秘團體問你投畀邊個所以唔投？你可以同佢做手語嘛！

一個選舉嘅結果可能唔及惠康啲米賣幾錢咁直接影響你生活，但係唔投可能第日你就知米貴！投啦！