八珍姨話你知：奸人堅

八珍姨睇左咁多年電視，邊個係人邊個係鬼我睇兩集都睇得出啦！最多係由忠嘅誤入歧途變奸或者係奸嘅良心發現變忠，冇乜變過！但係自從奸人堅呢套劇出街世界就開始變喇！

奸人堅明明就係奸架啦，但係睇睇吓佢又奸唔晒，有時會幫吓人，有時又奸得黎幾好笑喎，都唔知佢究竟係忠定奸！但係如果佢最後變忠，咁冇左奸人堅，要黃飛鴻黎做咩！？超人都要打怪獸啦，唔通打你？

現實世界就更加神奇，明明標榜自己係公信第一嘅明報，都可以突然變奸老屈李大狀呼籲世界領袖對中國施壓，再挑撥民主黨識時務同佢劃清界線，然後又變返忠話會捍衛李大狀嘅言論自由，反指華爾街日報用心不良，呢種忠奸極速變法，真係睇到八珍姨一時間都分唔清究竟明報係奸人堅定黃飛鴻？

八珍姨希望第日明報如果決定放棄公信第一呢個稱號就要奸得堂堂正正，光明磊落，行得奸，企得奸，唔使大家估得咁辛苦嘛！如果唔係睇大公報就得啦！

相關文章：事實勝於雄辯 請《華爾街日報》弄清事實
民主黨還有智慧清醒的人

等價交換

「人若沒有犧牲，便什麼也得不到」，要得到某些東西，便要付出對等的代價。
我想知，犧牲多少性命才能換得到緬甸的自由？
我想知，輸送多少石油才能換得到蘇丹的停火？
我想知，發生多少悲劇才能換得到天水圍北的和諧？
我想知，拆毁多少個社區才能換得到城市的文化？
我想知，付出什麼才能換得到普選？
我想知，如何用愛換取愛？