細路

如果有人叫你唔好咁 "細路"，即係叫你做人處事要成熟負責任，唔好任性一時衝動意氣用事，要有客觀嘅分析同對事唔對人嘅冷靜表現.....咁上下啦！但係細路呢種行為成日會出現o係好多成年人身上，例如：

陳水扁：出訪遭美方拒絕在美國本土過境後，臨時決定取消過境美國，浪費公帑另闢蹊徑輾轉飛往巴拉圭。

曾蔭權：面對泛民主派於立法會咄咄相逼追問政改問題，收起平日塑膠式親民笑容，黑面對答甚至怒罵，但理據依然令人難以信服。

金正日：無視國際警告，連好盟友中國強烈譴責亦不理，你愈講我愈唔聽，宣布成功進行首次地下核試。

你上司：雄心壯志，嚴詞厲色强迫員工全力支持一個對你暗地裡投不信任票的領導層，受挫後才訕訕說「打份工啫！咪問喇，做啦！」

你阿媽：因為你一個極度合理嘅原因而缺席親戚敍會，但係仍然會發茅話你唔關心屋企，一哭二鬧。

我其實都好想做細路，唔好畀啲大人知。