我要成名

Wyman話過：「我寧願得唔到獎，人o地戥我唔抵，好過我得到獎，有人覺得我唔值。」呢句o野確係唔少人o既自我超渡良方，夠晒得體大方，絕對係落台佳品。

劉青雲，一個有五次提名金像獎都落空o既香港男演員，佢o的戲真係比劉華周星馳梁家輝黃秋生梁朝偉差？佢o的戲真係連金馬影帝黎明郭富城都不如？從來冇因為得唔到獎而自嘲或者發嘮o蘇呻唔公平唔甘心，只有默默繼續做好每一齣戲。

「我要成名」入面劉青雲講過（大致意思）：「我好高興得到呢個獎，但係當我知道之前攞呢個獎o既係o個個人，我就------妖！」呢一句雖然唔得體（所以唔o係台上講），但係我鐘意！